Gwefan ac ap yw Flipgrid sy'n caniatáu i athrawon greu themâu trafod a gall myfyrwyr ymateb trwy sgwrsio/adborth fideo.

Gall athrawon greu'r themâu hyn trwy bynciau wedi'u trefnu ac yna gwahodd myfyrwyr i gyfrannu gan greu golwg grid wyneb blaen sy’n dangos yr holl gyfraniadau. Gellir gwahodd gwesteion allanol hefyd trwy rannu dolen.

Gall defnyddwyr gymryd rhan ar Flipgrid trwy'r ap neu'r wefan gydag unrhyw ddyfais sydd wedi'i galluogi gan gamera neu trwy uwchlwytho fideo a recordiwyd yn flaenorol. Gall athrawon hefyd ganiatáu i fyfyrwyr recordio atebion i ymatebion cyd-fyfyrwyr. I helpu rheoli hyn mae nodweddion safoni sy'n caniatáu athrawon i reoli cynnwys. Yr hyn sy'n dda iawn am hyn yw bod ganddo lawer o nodweddion ac effeithiau hwyliog i'r myfyrwyr fod yn greadigol os ydyn nhw'n dymuno. Mae hyn yn helpu myfyrwyr nad ydyn nhw efallai eisiau cael eu gweld ar fideo, er enghraifft gallant orchuddio eu hwynebau gydag Emoji gwenog. Mae'r holl nodweddion hyn yn hawdd iawn i'w defnyddio hyd yn oed ar gyfer defnyddwyr tro cyntaf. Nid oes angen i'r myfyrwyr boeni am gael cyfrif Flipgrid chwaith, gall y cyfan redeg o gyfrif athro.

Mae gan athrawon fynediad i ganolfan gymorth a dwy gymuned athrawon weithredol: Discovery Library ar gyfer rhannu templedi pwnc, a GridPals ar gyfer cysylltu ag addysgwyr ac ystafelloedd dosbarth ledled y byd. Sylwch fod rhai defnyddwyr yn nodi anhawster wrth lwytho fideos i fyny trwy'r ap Android.